Audio – Heimatmuseum

Der Gegg Doni hat aa baßt. Der hat vo de Römer so vui Gschichtln verzöiht, als obsa selber a Legionär gwen waar. Mir ham alls glaabt, weils so schee war. Da Hawala Martl hat grad so vui vo de Germanen gwißt. Dem seine Germanen san uns glei noo liawa gwen, weila gesagt hat, dass des unsre Ahnen warn. Da hama uns glei alle andander oogschaut und glei noo amal, obs mir aa Germanen san. Des hat awa net ganz gstimmt, weil a jeder vo uns aderscht ausgeschaut hat wia da Hermann auf dem Buid vom Teitoburger Wajd, wo der Hermann gecha den Drusus gwunna hat. Mir hams awa eahm aa glaabt, weil mir uns so gfreit ham, dass ma Germanen san und koane Römer, die wo bei dera Raffarei im Hoiz drin valorn ham.